jeudi 11 avril 2013

Code de Déontologie: MinisterInnen sollen sech selwer kontrolléieren

D'Affär Cahuzac schléit a Frankräich héich Wëllen - den fréiere Budgetsminister Jérôme Cahuzac huet virum Fiskus mindestens 600.000€ verstoppt an méintelaang d'Parlament an d'Ëffentlechkeet belunn. Als Reaktioun op dës Affär versprécht den Präsident François Hollande elo, dass nächste Woch all franséisch MinisterInnen hiert Verméigen oppe leeën.

Awer scho virum Cahuzac Skandal war déi franséisch Praxis a Saachen Transparenz vun der Regierung besser wéi zu Lëtzebuerg: eng Transparenz-Kommissioun huet, hannert zouen Dieren, Deklaratioune vun den MinisterInnen gepréift.

Wéi zu Lëtzebuerg d'Problematik vun Interessekonflikter an d'Lächerlechkeet gezunn ginn erklärt d'Lëtzebuerger Land den 22. Juni no enger Erklärung vum Premierminister:
Schon vor vier Jahren hatte Jean-Claude Juncker die Vereidigung seiner Regierungen folgendermaßen beschrieben: „Déi, déi mat mir an enger Regierung waren, wëssen, dass, wa mer vum Grand-Duc aus dem Palais bei mech an de Büro kommen, fir Schampes ze drénken – dat ass esou eng Gewunnecht, ech weess net, ob se gutt ass –, ech ëmmer froen: Wien huet Aktien? Wou huet hien Aktien? Ech wéisst dat gär.“ Es gibt also schon Verhaltensregeln – aber wie das dem CSV-Staat nützlich ist, sind sie Chefsache.
Lëtzebuerger Land, Manéiere kann ee léieren, 22.06.2012

Eng Propose vun engem Code de Déontologie "light"


Dës Praxis soll sech awer änneren: de Regierungsrot huet den 12. Mäerz 2013 eng Propose fir en Code de Déontologie virgeluecht. D'MinisterInnen gesi no den Affären wéi Wickrange/Livange oder Cargolux selwer an, dass en Code de Déontologie wichteg ass:
Tout un nombre d’arguments plaident en faveur de l'élaboration d'un Code de  déontologie.
An trotzdem, ewéi scho beim Code de Déontologie fir Deputéiert, vermësst et d'lëtzebuerger Politik méi ze maache wéi néideg fir sech net méi am internationale Verglach ze blaméieren. Während souguer a Frankräich, wou sech laang géint méi Transparenz gewiert gouf, elo all Verméige vu MinisterInnen soll oppe geluecht ginn (eng Praxis, déi vu Portugal, bis Rumänien oder Estland längst etabléiert ass) gëtt zu Lëtzebuerg Transparenz am Schrëtttempo agefouert.

Gouvernement.lu
Virun der Assermentatioun vun neie MinisterInne mussen dës dem Premierminister eng Lëscht mat hire bezuelten Tätegkeete bis 10 Joer virun dem MinisterInneposten deklaréieren.

Dëst Lëscht soll op d'Declaratioun vun individuelle Partizipatiounen an Firme limitéiert sinn - Deklaratioun vu Borgeldreserven, Immobilien, Schmock oder Autoe soll, anescht wéi elo a Frankräich, net mussen ëffentlech gemaach ginn.


D'Lëscht soll "regelméisseg" aktualiséiert ginn. Sanktioune bei Net-Respekt ginn et keng, och keng genau Délai. Eenzeg Méiglechkeet en Non-Respect fest ze stellen an "politesch Konsequenzen" (déi am Code néirens definéiert sinn) ze fuerderen ass en Comité d'Etique.

Comité d'Etique nominéiert vun der Regierung selwer


De Comité d'Etique, deen den Respekt vum Code kontrolléiere soll, gëtt vun der Regierung, also den Kontrolléierte selwer, agesat a soll z.B. vun fréieren MinisterInnen, Deputéierten oder Jugen zesumme gesaat ginn. All nei Regierung dierf den Comité nei besetzen an huet et esou selwer an der Hand, wéi eng Persounen si kontrolléiere sollen. Amplaz op eng onofhängeg Instanz ze sätzen oder d'Nominatioun z.B. vun der Chamber oder der Médiatrice ofhängeg ze maachen, kritt d'Regierung d'Kontroll vum Comité d'Etique direkt selwer an d'Hand!

Och bei Geschenker ass déi aktuell Propose onduerchsiichteg. Geschenker oder Iwwernuechtungen a Reesen déi vu Privatpersoune bezuelt gi sinn erlab, wann se "de Reegele vun der Courtoisie" entspriechen. Wéi eng dës Reegelen sinn misst dann den Comité d'Etique entscheeden - eng Organ wat vun den Kontrolléierte selwer nominéiert gouf.

Déi franséisch Regierung mëscht et grad fir, wéi transparent eng Regierung ka sinn - wëll se opgrond vu Recherchë vu Journalisten, trotz wochelaangen Dementi vun enge Minister, hunn missen agesinn, dass Politik muss transparent gestalt gi fir dass BiergerInnen kënnen informéiert Entscheedungen treffen. Zu Lëtzebuerg soll awer och d'Regierung net zefill transparent ginn a léist en souwisou schon limitéierte Code de Déontologie vun engem Comité iwwerwaachen, dee si selwer dierfen ernennen.

Responsabel fir Politikercheck: Yves Gruber a Sascha Majerus

Ëmmer au Courant bleiwen. 
Politikercheck.lu an de sozialen Netzwierker:

abgeordnetenwatch.de bei Facebook
abgeordnetenwatch.de bei Twitter
Politikercheck.lu
rue Principale
9091 Vichten
Tel: 00352 305996
email: info@politikercheck.lu

www.politikercheck.lu
Politiker Check Asbl
LU060019295593123000
B.I.C. : BCEELULL
BANQUE : BCEE





Politikercheck ass eng agedroen ASBL mat Siège zu Viichten registréiert bei dem Registre de Commerce et des Sociétés F8421 L100103066.05

Aucun commentaire:

Publier un commentaire