mardi 5 mars 2013

Niewenakommes oppe leeën - elo! Chamber blaméiert sech am internationale Verglach!



Den aktuelle System vun den Deklaratioune vun Interessekonflikter an der Chamber ass chaotesch an bidd net d'Méiglechkeet finanziell, materiell a personell Dependancen transparent oppen ze leeën. An hirer Sëtzung vun Haut diskutéiert déi kompetent Chamberkommissioun iwwer eng Ännerung vun dëse Reegelen. Eng Modifikatioun ass dringend noutwenneg - den internationale Verglach weist: d'lëtzebuerger Chambre des Députés blaméiert sech par rapport zu Parlamenter op der ganzer Welt!


Map erstallt mat der Hëllef vum @grischard. Eng gréisser Versioun ass hei ze fannen: Niewenakommes - internationale Verglach (grouss)

Ugewise gi Länner, an deenen Deputéiert méi genau mussen iwwer hier Niewenakommes informéiere wéi zu Lëtzebuerg. E puer Beispiller:
  • Russesch Deputéiert mussen hiert Joresakommes an dat vun hiren Partner op den Rubel genau verëffentlechen. Z.b. Nikolai Valuev, fréiren Boxer, verdingt nieft sengem Mandat als Deputéierten an der Duma 23.283.455,44 Rubel (581.699€) am Joer. Och de Besëtz vun zwou Garagë muss en uginn.
  • Südafrikanesch Parlamentarier mussen och Geschenker mat geréngem Wäert ëffentlech deklaréieren. Z.B. Mbalula Fikile April, Minister fir Sport a Fräizäit, deen en USB-Stick fir ëmgerechent 12,90€ als Geschenk verëffentlecht.
  • Volleksvertrieder a Polen mussen hiert Akommes wéi och hiren Immobilienbesëtz an weider Eegentum oppe leeën. Z.B. Ewa Kopacz, Spriecherin vum Parlament, déi hier Krediter an Hypothéike detailléiert oplëscht.
  • Spuenesch Deputéiert mussen net nëmmen Niewenakommes, Immobiliebesëtz an Aktieverméigen komplett oppe leeën, mä och Privatgefierer. Z.B. José Maria Alonso Ruiz, deen seng Vespa, Baujoer 1985, deklaréiert.
  • Estesch Deputéiert mussen nieft hirem Niewenakommes och Immobilien oder Aktienbesëtz mat genauer Héicht verëffentleche.
Net representéiert sinn weider Länner, déi z.B. gréisser Lobbyregister publizéieren oder Dispositioune bei weidere Kummere vu Parlamenter (z.B. Senat).

Mindestens 25 Parlamenter vun 6 Kontinenter, déi méi transparent sinn wéi d'Chambre des Députés:
  • Armenien
  • Australien
  • Bulgarien
  • Brasilien
  • Chile
  • Däitschland
  • Estland
  • Irland
  • Island
  • Israel
  • Italien
  • Niederlande
  • Neuseeland
  • Philippinen
  • Polen
  • Portugal
  • Rumänien
  • Russland
  • Spuenien
  • Schweden
  • Südafrika
  • Thailand
  • Tschechesch Republik
  • Vereenegt Kinnekräich
  • Vereenegt Staaten vun Amerika

Vill Länner weisen also, wéi Niewenakommes vun den Deputéiert kann ëffentlech an domadder fir jiddereen novollzéibar gemaach ginn. Muer stëllt d'Chamberkommissioun hier Propose fir eng Neiregelung fir - eng Verëffentlechung op Euro an Cent soll et awer net ginn, ma eng Stuferegelung. Mir analyséieren an onsem nächsten Artikel d'Propose an Detail. Den internationale Vergläich weist jiddefalls: eng Verëffentlechung op Euro an Cent vun allen finanziellen Interesse vun all Deputéierte funktionéiert op der ganzer Welt - wisou net och zu Lëtzebuerg?

Kuckt och:

Dësen Artikel gouf verfaasst vum Jerry Weyer. Bei Froe steet d'Nummer 00352 661 860 401 zur Verfügung.

Responsabel fir Politikercheck: Yves Gruber a Sascha Majerus

Ëmmer au Courant bleiwen. 
Politikercheck.lu an de sozialen Netzwierker:

abgeordnetenwatch.de bei Facebook
abgeordnetenwatch.de bei Twitter
Politikercheck.lu
rue Principale
9091 Vichten
Tel: 00352 305996
email: info@politikercheck.lu

www.politikercheck.lu
Politiker Check Asbl
LU060019295593123000
B.I.C. : BCEELULL
BANQUE : BCEE





Politikercheck ass eng agedroen ASBL mat Siège zu Viichten registréiert bei dem Registre de Commerce et des Sociétés F8421 L100103066.05

    Aucun commentaire:

    Publier un commentaire