Wat maachen ons EU-Deputéiert an enger Woch? Kuckt an hire Kalenner!

Wat maache lëtzebuerger Deputéiert am Europaparlament? Wéineg ass gewosst iwwer den Aarbechtsalldag vun engem oder enger EU-Deputéierten, dobäi sinn d'Aufgabe méi divers wéi "just" an den Sëtzunge vum Europaparlament präsent ze sinn an ofzestëmmen.

Foto: Bureau d'Info. du PE

Mat der frëndlecher Zesummenaarbecht vun den lëtzebuerger EU-Deputéierten hunn mir an dësem Artikel d'Terminkalennere vun 6 Europadeputéiert dokumentéiert fir den gewéinlechen Aarbechtsalldag vun den Deputéierten ze weisen.

D'Screenshots goufe vun de Deputéierten zur Verfügung gestallt. Gefrot gouf no enger "alldeeglecher" Woch aus dem Kalenner vun enger oder engem Europadeputéierten/r. Erklärungen a Kommentare sinn ggf. ënnert den Screenshots ze fannen a komme vun den Deputéiert an hirem Team perséinlech.

Astrid Lulling (CSV)

Zoom

Erklärungen:

Agri: Commission de l'agriculture et du développement rural
Econ: Commission économique et monétaire
Femm: Commission des droits de la femme et de l'égalité des genres
Prep oder Prépa: Fraktiouns intern Réunioun vun de PPE Memberen vum Ausschuss AGRI, FEMM, oder ECON
EUROLAT: "délégation" UE mat de Lateinamerikanische Länner

Georges Bach (CSV)

Zoom

Erklärungen:

Ze erwähnen wier dass den Georges Bach Member ass vun der Transport Kommissioun (TRAN) an der Kommissioun fir Emploi et affaires sociales (EMPL) am Parlament. Dei meescht Réunionen an der Woch vum 5. November hun mat denen aktuellen Sujeten an desen Kommissiounen ze dinn (Groundhandling, Asbest, etc.). Ongeweinlech wor an der Woch de Besuch vum Angela Merkel am Parlament, Mettwochs Nomettes.

Robert Goebbels (LSAP)

Zoom

Claude Turmes (Déi Gréng)

Zoom

Erklärungen:

Wei der gesidd, deelt sech den Dag vum Claude Turmes normalerweis an

• Voten
• Plenardebatten (do geet et meschtens nemmen, wann een op deem Sujet schafft, deen diskutéiert get)
• intern Meetingen matt senge Mattarbechter (kollektiven "Meeting interne" an bilateral Meetingen wou d'Dossiers inhaltlech a strategesch durchgeschwaat gin an Terminer oofgeschwaat a preparéiert gin)
• Meetingen matt der Fraktioun vun de Gréngen zu Letzebuerg an zu Bréissel (vir Positiounen oofzestemmen, de Claude ass am Bureau vun der Fraktioun vun de Gréngen am Europaparlament)
• Kontakter oder Meetingen matt Vertrieder vun der Commissioun, Memberstaaten, Experten, Lobbyisten a Biirger déi op Visiten kommen
• Presseterminer (mir schaffe vill matt der Press an Daitschland, Frankraich, England an natiirlech Letzebuerg)
• Zait vir den Deputéierten vir selwer a Rou op Dossiers ze schaffen ("Claude's time")
• extern Konferenzen

Die meescht Zait geet secherlech vir extern Konferenzen (wou ee selwer schwetzt oder och nemme lauschtere geet) an Terminer matt Experten drop. Do gi Rendez-vous oft am Hallefstonnen-Takt gemeet.

Doniewt sti nach Terminer zu Letzebuerg un, dei normalerweis Ufanks an Enn der Woch sin. An desem Fall vun der Plénières-Woch waren se an der Mett vun der Woch.

Frank Engel (CSV)

Zoom

Charles Goerens (DP)

Zoom

Erklärungen (am Gespréich mam Charles Goerens): wëll all Termin agedroe gëtt, kann et zu Iwwerschneidunge kommen. Net all Termin gëtt dofir besicht, och wann en am Kalenner steet. Dofir ass dësen Ausschnëtt keng Repräsentatioun vun der aktueller Aarbecht vum Deputéierten, ma en Indice wéi vill Rendez-Vous'en ugefrot ginn.


Dëst Experiment weist: EU Deputéiert(en) ass méi wéi Parlamentssëtzungen. Wat haalt dir vu den Terminer vun den lëtzebuergeschen EU Deputéiert? Sécherlech erméiglechen se keng objektiv Aschätzung vum Aarbechtspensum, allerdéngs ginn se en Indice wéi divers d'Tâche vun EU-Deputéierte sinn.

Wat haalt dir vun dësem Experiment? Diskutéiert et an de Kommentaren, op Facebook, Twitter, Google+ oder Diaspora!

Dësen Artikel gouf verfaasst vum Jerry Weyer. Bei Froe steet d'Nummer 00352 661 860 401 zur Verfügung.

Responsabel fir Politikercheck: Yves Gruber a Sascha Majerus

Ëmmer au Courant bleiwen. 

Politikercheck.lu an de sozialen Netzwierker:

Politikercheck.lu rue Principale 9091 Vichten Tel: 00352 305996 email: info@politikercheck.lu www.politikercheck.lu

Politiker Check Asbl LU060019295593123000 B.I.C. : BCEELULL BANQUE : BCEE

Politikercheck ass eng agedroen ASBL mat Siège zu Viichten registréiert bei dem Registre de Commerce et des Sociétés F8421 L100103066.05